يا ويل قلبي فيها دايب وعشقان
وللفل بوساتا تجي عليّ منتوره
تغزل عيونا ع هوى المرجان
دوخ بموجا لما بقشع هالصوره
صبح ع صباحا تسألني هيمان ؟
ما رد لتوقعني من جوره لجوره
بكلاما تمرجح ع حب يلي كان
موت وبدي أعرف بمين مسحوره؟
مني حجر ولا قصة دقة جهلان
تفرط روحي ع قصر التنوره
تتمايل يوميه قبالي متل الغزلان
إتمنى تحس متلي وتكون محروره
نطرت شي ليله نور قنديلا شعلان
بابا دقيت وبدخلتي كانت مسروره
مديت إيدي بلكي تغمرني بحنان
همست وقالتلي أنا بحبك مجموره
عقلي ما عاد يحمل غير لجنان
وعمري ليلة يا رب تكون مغفوره
نسرين سلمان.خليف
ليست هناك تعليقات:
إرسال تعليق