بنظرة عينك

 

بنظرة عينك عم إمرق

يمكن منو حلم فاضي

لو بإيدي قلبك إسرق

تا ضل بالغرام راضي

نسرين سلمان.خليف

أخدنا الدرب

 

أخدنا الدرب أبعد من لبعيد

وفترقنا ع مفرق الشتوية

يمكن نرجع نلتقي من جديد

بعتمات الليل ترجع الخبرية

بكرا جاي الايام تعيد العيد

رواية العمر فيها نكفي البقية

نسرين سلمان.خليف

والله قلبي إنشلع

  

والله قلبي إنشلع وفقع وعيونا تبكي

إغرق بشهقاتا يومية إسالا شو بيكي

ترد علي بدي ع صدرك راسي تكي

إبقى بين زنودك دوب لترجف لهداب

نسرين سلمان.خليف

ياما مرقت اخبار

 

ياما مرقت اخبار وكان وعد مني

إبقى ع درب حبك لعمري عدا مني

برمت وفليت وبعدك والله عدمني

شو علي طلعت قاسي لقتلني لغياب

نسرين سلمان.خليف

فيك ضاعت حاستي

 

فيك ضاعت حاستي السابعة

ما عادت تشرق وتغيب شمسي

بمشي بخسوف وكسوف أيامي

فيي مات حسي وإنقطع نفسي

نسرين سلمان.خليف

ليت غمامة

 ليت غمامة الحزن تزيح

وترجع الروح ال سرقتها

عشقك ما هو زوبعة ريح

تلد ما بين غربها وشرقها

نسرين سلمان.خليف

ياما شال قلبك

 

ياما شال قلبك مني

ومنك قلبي ياما شال  

ع لله شي يوم ترجع

راح قول يلي ما بنقال

نسرين سلمان.خليف

محسودي

 

محسودي ع ولا شي وبدي تخريجي

وزاد وجعي بحالتي ومالها تخريجي

قربت من الدني أخد شهادة تخريجي

خلوني عيش قبل ما الموت يدق الباب

نسرين سلمان.خليف

كام يوم

 

كام يوم حلوين عشت بعمري

ويا عمري ما بعرف وين ختفيت

هان عليك قلبي وحبي

وع بعدك ما عدت قدرت كفيت

نسرين سلمان.خليف

ما مسموح يدق

 

ما مسموح

يدق بابو

وبابو ما بدق

بيت

قلبي المهجور

بسامح

يلي ما بتسامح

والباقي

عند رب الكون

نسرين سلمان.خليف

تقبرني ضحكتا

 

تقبرني ضحكتا وفوق شفافا حسوني

قربت صوبا وشفافا ببوستي حسوني

حاكيتا بعيوني وقلب عيونا حسوني

لغميت بين أيديي وما عرفت السبب

نسرين سلمان.خليف

شو عليك

 

شو عليك قلبي ملهوف

وعني غريب يا غرام

لو تيجي وتعمل معروف

بخلي الهوى يدوب بالغرام

نسرين سلمان.خليف

أضيع بنصي

 

أضيع بنصي الحروف

وما ريد ذكر حبك

حالي ينقلب بشغوف

يعاود يكتب بعشقك

نسرين سلمان.خليف

هل نام قلبك

هل نام قلبك مع الليل؟

أم ما زال يتجلى

بذكريات عشقي لك؟

نسرين سلمان.خليف

الحب منو حب

الحب منو حب بهالايام

والوفى صار معيار العار

يمكن يعود يرجع الغرام

ويشتاق الوفى بحب الديار

نسرين سلمان.خليف

وقت رجعت

 

وقت رجعت ع طول

لنبلش من جديد

إنت فليت ع طول

عني صرت بعيد

نسرين سلمان.خليف

راح إتعاطى حبك

راح إتعاطى حبك

وبحبك راح إتعاطي

لتصير بشرياني إدماني

نسرين سلمان.خليف

ذقت كاس المر

 

ذقت كاس المُر والسوء

وحظي بالحظ مَر بعجب

صار ودي شوية هدوء

اريد انسى القهر والتعب

نسرين سلمان.خليف

إنطفو عيوني

 

إنطفو عيوني بحُبك وماتو

وقلبك يوم ما عرف أنا مين

سرقت عمري وقتلت بسماتو

ما بعرف بعد ماخدني لوين؟

نسرين سلمان.خليف

قلبي كان راضي

قلبي كان راضي

وانت نسيت العشرة

حتى بذكرالماضي

صرت للماضي نكرة

نسرين سلمان.خليف

لك قسمت قلبي نصين

لك

قسمت قلبي نصين

بيوم ما فرق معاك

نصو بحبك وبريدك

والتاني ما بعيش بلاك

نسرين سلمان.خليف