لو قلبك

لو قلبك وقع بحبي وكان صافي

كنا مشينا سوا تحت الصفصافي

وشربنا كاس العرق ع الصافي

غبنا عن الوعي ما بقينا أغراب

كلمات:نسرين سلمان.خليف 

خيالك ع خيالي

خيالك ع خيالي يا أسمر مر

وعليّ الليل من السمر مر مرُ

بعت القمر سلامي وعليك مر

ما رديت ونسيت إنا حباب 

كلمات:نسرين سلمان.خليف

لا سفرة ولا غربة

لا سفرة ولا غربة
راح تاخدني منّك
انتَ منّي 
وراح ابقى أنا منّك
كلمات:نسرين سلمان.خليف

الدني التعبانة

الدني التعبانة ما خلت للبعد أقربك

والموج العالي رماني  ببحر حبك

شو أعمل بحالي وحالي شو تعمل

غرقان قلبي بتنفس نبض همسك

كلمات:نسرين سلمان.خليف

اليوم إلي عندو

اليوم إلي عندو فلوس بشور وبمون

ما بنحرم شي وما من الجوع بموت

يا حسرة الفقير الهم حامل ومقهور

والفقير يا حسرتو ليلية بنام مخنوق

كلمات:نسرين سلمان.خليف

نقشت صورتك

نقشت صورتك ع كفي

وتُهت ما بين

ملامحك ورسم كفي

لقيت نبضك يتمخطر

بين الشريان والوريد

وغيري ما حد قدر

بالقلب والروح نَقشِك

كلمات:نسرين سلمان.خليف

لا من الكلمة

لا من الكلمة ولا قادره عين تحكي جروح يوم يوم تزيد

وأنا بقلبي الحسرة وبدي السترة ودمع السمرا ما عم يفيد

كلمات:نسرين سلمان.خليف

قلبي لاوي

قلبي لاوي من الحامض مجمور

غصب عني فراقك قلبي مجبور

تارك نبضي يمشي ملوع مقهور

يا ويلي شو صعب حكم الحباب

كلمات:نسرين سلمان.خليف

سافرت

سافرت وما نطرت
تكحل عينك بعيني
مني شو ناطر؟ 
إستنى! 
 فكرك ترجع تلاقيني؟!
كلمات:نسرين سلمان.خليف